ചെമ്മീന്‍ എങ്ങനെ കഴിക്കാനും രുചിയാണല്ലോ, അപ്പോള്‍ ഇനി ചെമ്മീന്‍ ദാ ഇതു പോലെ മസാല ആക്കി ട്രൈ ചെയ്യാം, കിടിലന്‍ രുചി

എന്നും ചെറിയ ചെമ്മീന്‍ ആണ് കിട്ടുന്നത് എങ്കില്‍ എപ്പോഴെങ്കിലും വലിയ ചെമ്മീന്‍ കിട്ടുന്ന അവസരത്തില്‍ ഇതാ ഇചുപോലെ ചെമ്മീന്‍ മസാല ഉണ്ടാക്കി നോക്കൂ. ആരും കൊതിക്കുന്ന രുചിയില്‍ ഒരു റെസിപ്പി.

ആവശ്യമുള്ള ചേരുവകള്‍:

മസാലപുരട്ടി വറുത്തെടുത്ത ചെമ്മീന്‍ റോസ്റ്റാക്കിയാല്‍ രുചി കൂടും.

മസാല പുരട്ടാന്‍

ചെമ്മീന്‍ – 1/2 കിലോ
മഞ്ഞള്‍പ്പൊടി – 1/4 ടീസ്പൂണ്‍
കാശ്മീരി മുളകുപൊടി – 2 ടീസ്പൂണ്‍
ഇഞ്ചി-വെളുത്തുള്ളി അരച്ചത് – 1 ടേബിള്‍സ്പൂണ്‍
നാരങ്ങാനീര് – 1 ടേബിള്‍സ്പൂണ്‍
ഉപ്പ് – ആവശ്യത്തിന്

വഴറ്റാന്‍ ആവശ്യമായ ചേരുവകള്‍

വെളിച്ചെണ്ണ – 3-4 ടേബിള്‍സ്പൂണ്‍
സവാള – 1 ഇടത്തരം
ഇഞ്ചി-വെളുത്തുള്ളി ചതച്ചത് – 1 ടേബിള്‍സ്പൂണ്‍
കറിവേപ്പില
തക്കാളി അരിഞ്ഞത് – 1 എണ്ണം
മഞ്ഞള്‍പ്പൊടി – 1/4 ടീസ്പൂണ്‍
മുളകുപൊടി – 1 ടീസ്പൂണ്‍
മല്ലിപ്പൊടി – 1 ടേബിള്‍സ്പൂണ്‍
കാശ്മീരിമുളക് പേസ്റ്റ് – 2 ടീസ്പൂണ്‍
വെള്ളം – ആവശ്യത്തിന്

തയാറാക്കുന്ന വിധം

ചെമ്മീന്‍ മസാല പുരട്ടാന്‍ ഒരു ബൗളിലേക്ക് മഞ്ഞള്‍പ്പൊടി, കാശ്മീരിമുളകുപൊടി, ഇഞ്ചിവെളുത്തുള്ളി അരച്ചത്, നാരങ്ങാനീര്, ആവശ്യത്തിന് ഉപ്പ്, ആവശ്യത്തിന് വെള്ളം എന്നിവ ചേര്‍ത്ത് നന്നായി യോജിപ്പിച്ച് ചെമ്മീനില്‍ പുരട്ടി ഒരു അരമണിക്കൂര്‍ മാറ്റിവയ്ക്കാം.

ഒരു ഫ്രൈയിങ് പാനില്‍ നന്നായി ചൂടായി വരുമ്പോള്‍ വെളിച്ചെണ്ണ ഒഴിക്കുക. ഇതിലേക്കു ചെമ്മീന്‍ ഇട്ട് കൊടുക്കാം. ഇരു വശവും നന്നായി മൊരിച്ചെടുക്കണം. ശേഷം ഒരു പാനില്‍ എണ്ണ ചൂടാക്കി അതില്‍ ഇഞ്ചിവെളുത്തുള്ളി ചതച്ചത്, സവാള എന്നിവ ചേര്‍ത്തു കൊടുക്കാം. ഇതില്‍ സവാള വഴറ്റാന്‍ ആവശ്യമുള്ള ഉപ്പ് ചേര്‍ത്ത് കൊടുക്കാം. ഇതില്‍ കറിവേപ്പിലയും പൊടികളും ചേര്‍ക്കാം. തക്കാളിയും ചേര്‍ത്ത് കൊടുത്തതിനു ശേഷം നന്നായി വഴറ്റാം. ഇതില്‍ ആവശ്യത്തിന് വെള്ളം ചേര്‍ത്ത് കൊടുക്കാം. ഒടുവില്‍ വറുത്തെടുത്ത ചെമ്മീനും ചേര്‍ക്കാം. നല്ല രുചിയുള്ള ചെമ്മീന്‍ റോസ്റ്റ് തയാര്‍.