അശ്വതി: ഇഷ്ടവസ്തുക്കൾ അനുഭവിക്കാൻ യോഗമുണ്ടാകും. പരീക്ഷണങ്ങളിൽ വിജയിക്കും. കലഹങ്ങൾ ഒഴിഞ്ഞ് പോകും, അപ്രതീക്ഷിതമായി ധനനേട്ടം. വിദേശജോലികൾക്ക് കളമൊരുങ്ങും. പ്രണയബന്ധങ്ങൾ കൂടുതൽ ഊഷ്മളമാകും.
ഭരണി: ഊഹക്കച്ചവടത്തിൽ വിജയിക്കും. പാരമ്പര്യ തൊഴിലുകളിൽ ഏർപ്പെട്ടിട്ടുള്ളവർക്ക് അവസരങ്ങൾ കൂടും. എല്ലാരംഗത്തും അഭിവൃദ്ധി, കുടുംബസുഖം, സഹോദര സഹായം. തിരികെ ലഭിക്കില്ലെന്ന് കരുതിയ പണം തിരിച്ചുകിട്ടും.
കാര്‍ത്തിക: ആവശ്യപ്പെട്ട സ്ഥലത്തേക്ക് ജോലിമാറ്റം ലഭിക്കും. വിദ്യാർത്ഥികൾക്ക് മികച്ച സമയമാണ്. വിദേശ ബന്ധങ്ങള്‍ ഗുണകരം, കല വിദ്യാഭ്യാസം എന്നീ മേഖലകളിൽ വിജയം. ആരോഗ്യ കാര്യത്തിൽ പ്രത്യേക ശ്രദ്ധ കേന്ദ്രീകരിക്കണം.
രോഹിണി: എത്ര ശ്രമിച്ചാലും കുടുംബ വഴക്കുകൾ തീരില്ല. മുൻകോപം നിയന്ത്രിക്കേണ്ടതുണ്ട്. കലഹ സന്ദർഭങ്ങളെ ഒഴിവാക്കണം. അലസതയും മടിയും കൂടും, ധനത്തിന് ബുദ്ധിമുട്ടേണ്ടി വരും. മോശം കൂട്ടുകെട്ടു മൂലം ദുശീലങ്ങള്‍ ഉണ്ടാകാന്‍ സാദ്ധ്യത.
മകയിരം: ബിസിനസ് ഇടപാടുകളിൽ വിദഗ്ദ്ധോപദേശം തേടുന്നത് പ്രയോജനകരമാവും. തീരുമാനങ്ങളിൽ ഉറച്ചുനിൽക്കാൻ ക്ലേശിക്കും. സംസാരവും പ്രവര്‍ത്തികളും സൂക്ഷിക്കുക, അനാവശ്യമായി പണം ചെലവഴിക്കേണ്ടി വരും.
തിരുവാതിര: ബന്ധുക്കളുടെ ഉപകാര സ്മരണയില്ലായ്മ വേദനിപ്പിക്കും. പിതാവിന്റെയും സ്വന്തവും ആരോഗ്യ കാര്യത്തിൽ ശ്രദ്ധ വേണം. ചതിക്കപ്പെടാനോ വഞ്ചിതരാകാനോ സാദ്ധ്യത.
പുണര്‍തം: ഇഷ്ടപ്പെട്ട കാര്യങ്ങൾ നേടിയെടുക്കാൻ കൂടുതൽ ക്ലേശിക്കേണ്ടി വരാം. വിദ്യാർത്ഥികൾ പഠനത്തിൽ അലസരാവാനിടയുണ്ട്. മുതിര്‍ന്നവരുടെ ഉപദേശം തേടി വേണം എന്തും ചെയ്യാന്‍, ബന്ധുക്കള്‍ ശത്രുക്കളാകും.
പൂയം: ലക്ഷ്യം നേടാൻ കൂടുതൽ വിയർപ്പൊഴുക്കേണ്ടി വരും. തടസങ്ങൾ മനസിനെ പിറകോട്ട് വലിക്കാം. ജ്ഞാനവും ഇച്ഛയും ക്രിയയും ഏകോപിപ്പിക്കേണ്ട സന്ദർഭമാണ്. എല്ലാ കാര്യത്തിലും ആത്മനിയന്ത്രണം പാലിക്കണം, ഇഷ്ടമല്ലാത്ത തൊഴില്‍ ചെയ്യേണ്ടിവരും.
ആയില്യം: ആർഭാട ചെലവുകൾ ഒഴിവാക്കുന്നതാണ് ബുദ്ധി. അവിവാഹിതർക്ക് വിവാഹ ജീവിതത്തിലേക്ക് പ്രവേശിക്കാൻ അല്പം കൂടി കാത്തിരിക്കണം. കുടുംബത്തില്‍ അസ്വസ്ഥതകള്‍ പടരാതിരിക്കാന്‍ ശ്രദ്ധിക്കണം, പ്രേമകാര്യങ്ങളില്‍ സമാധാനക്കുറവ്.
മകം: സമഭാവനയോടെയുള്ള പെരുമാറ്റം ആദരിക്കപ്പെടും. നവീന പദ്ധതികൾ ആസൂത്രണം ചെയ്യും. ആരോഗ്യ പ്രശ്നങ്ങൾ കുറയാം. ചെലവ് വര്‍ദ്ധിക്കുമെങ്കിലും വരവും അതിനനുസരിച്ച് ഉണ്ടാകും, അനുകൂലമായ രീതിയില്‍ ജോലിയില്‍ മാറ്റം.
പൂരം: ദീർഘദൂര യാത്രകൾ വേണ്ടി വന്നേക്കാം. തൊഴിൽ തേടുന്നവർക്ക് ന്യായമായ ജോലിയോ വരുമാന മാർഗമോ സിദ്ധിക്കും. പുതിയ മന്ത്രോപാസന വേണ്ടി വരും. പരസഹായത്താല്‍ സുഖാനുഭങ്ങള്‍, ഗുരുഭക്തി, ധനാഭിവൃദ്ധി.
ഉത്രം: വിവരസാങ്കേതിക വിദ്യയിൽ നേട്ടങ്ങൾ കൈവരും. തീരുമാനങ്ങൾ ആലോചിച്ച് കൈക്കൊള്ളണം. തൊഴിൽപരമായ വിദേശയാത്രക്ക് ഉചിത സന്ദർഭമാണ്. മക്കളുടെ പഠനച്ചെലവിന് തുക കണ്ടെത്തും. ഭാഗ്യ സാഹചര്യങ്ങള്‍ തനിയെ വന്നു ചേരും, സ്ത്രീ ഗുണം.
അത്തം: കർമ്മമേഖലയിൽ ഉണർവ് പ്രത്യക്ഷമാകും. വീടോ തൊഴിൽ സ്ഥാപനമോ നവീകരിക്കും. ബന്ധുക്കളെ സന്ദർശിക്കാനും കുടുംബ ബന്ധങ്ങൾ ദൃഢമാക്കാനും അവസരമുണ്ടാകും. കുടുബസുഖം, വിവാഹബന്ധം വഴി ഉയര്‍ച്ച, ധനനേട്ടം എന്നിവ കാണുന്നു.
ചിത്തിര: ഉപരിവിദ്യാഭ്യാസം ചെയ്യുന്നവർക്ക് തൊഴിൽ വാഗ്ദാനങ്ങൾ കരഗതമാകും. കരാർ ജോലികൾ പുതുക്കി കിട്ടാം. വിദേശത്തുള്ളവർക്ക് പുതിയ തൊഴിൽ സാഹചര്യങ്ങൾ ഗുണം ചെയ്യും. വിശിഷ്ട വസ്ത്രാഭരണ ഭക്ഷണ സുഖം കിട്ടും. സാമ്പത്തിക നേട്ടത്തിന് വഴിയുണ്ടാകും, കുടുബസുഖം.
ചോതി: ഉദ്യോഗസ്ഥർക്ക് സ്വന്തം വീട്ടിനടുത്തേക്ക് സ്ഥലം മാറ്റം ലഭിച്ചേക്കാം. കുടുംബ സ്വത്തിന്മേലുള്ള തർക്കം ഒരുവിധം പറഞ്ഞുതീരും. ജീവിത ശൈലീ രോഗങ്ങൾ കുറയുന്നത് ആശ്വാസമേകും. അലസത വിട്ടൊഴിയും. പൊതുരംഗത്ത്‌ നേട്ടം. സഹോദര ഗുണം, യാത്രയില്‍ നേട്ടം, ആഗ്രഹ സാഫല്ല്യം, സംതൃപ്തി.
വിശാഖം: പുണ്യകർമ്മങ്ങളിൽ ഭാഗമാകും. യാത്രകൾ സുഖകരമാകും. പുതിയ വാഹനം വാങ്ങും. മക്കളുടെ വിദ്യാഭ്യാസത്തിനായി വായ്പാ സൗകര്യം പ്രയോജനപ്പെടുത്തും. സ്ത്രീകള്‍ മുഖേനെ നേട്ടം, സുഹൃദ്ബന്ധങ്ങള്‍ക്ക് പ്രാമുഖ്യം കൊടുക്കും.
അനിഴം: സംഘടനാ പ്രവർത്തനങ്ങളിൽ എതിർപ്പുകൾ നേരിടേണ്ടി വരാം. കടം വാങ്ങാൻ പ്രവണതയേറും. തൊഴിലിടത്തിൽ പ്രതിസന്ധികൾ വരാം. വിവാഹ ജീവിതത്തില്‍ കല്ലുകടി, സ്ത്രീ സംബന്ധ വിഷയങ്ങളില്‍ കരുതല്‍ വേണം.
കേട്ട: വിദ്യാർത്ഥികൾക്ക് പഠനത്തിൽ ക്ലേശങ്ങൾ അനുഭവപ്പെടാം. ആലസ്യം വർദ്ധിക്കും. സമയബന്ധിതമായി പ്രവർത്തിക്കാൻ കഴിഞ്ഞില്ലെന്ന് വരാം. വാക്കുകള്‍ സൂക്ഷിച്ച് ഉപയോഗിക്കണം, ധനനേട്ടത്തിന് വേണ്ടി ചെയ്യുന്ന സംഗതികള്‍ പിന്നീട് പ്രയാസങ്ങള്‍ക്ക് കാരണമാകും.
മൂലം: സർക്കാർ തലത്തിൽ ഉള്ള കാര്യങ്ങൾ പ്രാവർത്തികമാവാൻ അലച്ചിലേറും. കുടുംബത്തിൽ നയത്തോടെയും ചാതുര്യത്തോടെയും പ്രവർത്തിക്കേണ്ട സന്ദർഭമാണ്. ആരോഗ്യരക്ഷയിൽ ജാഗ്രത തുടരണം. പലവിധത്തിലുള്ള പരീക്ഷണങ്ങളെ നേരിടേണ്ടി വരും, ശത്രുക്കളില്‍ നിന്നും ആപത്ത് വരാം.
പൂരാടം: ജീവിത സുഖം വര്‍ദ്ധിക്കും, ഇഷ്ടജനം വഴി നേട്ടങ്ങള്‍ കൈവരും. ദാമ്പത്യ വിഷയങ്ങളില്‍ പൊതുവേ സുഖവും സമാധാനവും, ഔദ്യോഗികമായി ആനുകൂല്യങ്ങള്‍ ലഭിക്കും.
ഉത്രാടം: തർക്കം – കലഹം – വ്യവഹാരം എന്നിവയിൽ നിന്നും ഒഴിഞ്ഞു നിൽക്കുന്നതാവും അഭികാമ്യം. എല്ലാ പ്രവര്‍ത്തനങ്ങളും മാറ്റി വയ്ക്കുക, അപായഭീതി, ധനനഷ്ടം, രഹസ്യ ജീവിതം ഒഴിവാക്കുക. കൊടുക്കൽ – വാങ്ങലുകളിൽ അതീവ ശ്രദ്ധ വേണം.
തിരുവോണം: ക്ഷമയോടെയും ലക്ഷ്യബോധത്തോടെയും പ്രവൃത്തികളിൽ മുഴുകേണ്ട സന്ദർഭമാണ്. സൗഹൃദങ്ങൾ എല്ലാം തന്നെ ഗുണം ചെയ്യുന്നുണ്ടോ എന്ന് ആത്മപരിശോധന നടത്തുന്നത് നന്നായിരിക്കും. ധനപരമായ കാര്യങ്ങളില്‍ വലിയ ബുദ്ധിമുട്ട് അനുഭവപ്പെടും.
അവിട്ടം: പ്രൊഫഷണലുകൾ മത്സരങ്ങളെ അഭിമുഖീകരിക്കേണ്ടി വരും. ഗൃഹനിർമ്മാണം മന്ദഗതിയിലാവും. ധനപരമായി സമ്മർദ്ദങ്ങൾ ഉയർന്നേക്കാം. ആരോഗ്യകാര്യത്തിൽ ജാഗ്രത കുറയ്ക്കരുത്. തസ്കര ഭയം ഉണ്ടാകും, അപവാദങ്ങളില്‍ അകപ്പെടാതെ നോക്കണം.
ചതയം: വിവാദങ്ങളിൽ നിന്നും ഒഴിയുന്നതാവും അഭികാമ്യം. ആദരണീയ വ്യക്തികളുടെ പിന്തുണ നേടും. പ്രവർത്തനമേഖല ലാഭകരമാവും. കര്‍മ്മങ്ങള്‍ക്ക് തടസം നേരിട്ടാലും കാര്യങ്ങള്‍ അനുകൂലമാകും, പൊതു ജനങ്ങളുമായി നല്ല ബന്ധം സ്ഥാപിച്ചെടുക്കും.
പൂരുരുട്ടാതി: സ്വന്തം തൊഴിലിൽ വളർച്ചയുണ്ടാകും. വിദ്യാർത്ഥികൾക്ക് പഠനത്തിന് അനുകൂല സമയം. കുടുംബാംഗങ്ങൾക്കിടയിലെ അനൈക്യം അവസാനിപ്പിക്കാൻ മുന്നിട്ടിറങ്ങും. കുടുംബ സമേതം വിനോദയാത്രകൾ നടത്താൻ സാഹചര്യം ഒരുങ്ങും. ജീവിത ചുറ്റുപാടുകളില്‍ സന്തോഷപ്രദമായ സാഹചര്യം വര്‍ദ്ധിക്കും, ജോലി ലഭ്യത.
ഉത്തൃട്ടാതി: കടമകൾ ഭംഗിയായി നിറവേറ്റും. തൊഴിലിടത്തിൽ അംഗീകാരം കൈവരും. നൂതന സംരംഭങ്ങൾ തുടങ്ങാനുള്ള പര്യാലോചനകൾ പുരോഗമിക്കും. ദാമ്പത്യ പ്രശ്നങ്ങളെ ഒരുവിധം ഭംഗിയായി പരിഹരിക്കും. ഗുരു കാരണവന്മാരുടെയും ഗുരുനാഥന്മാരുടെയും അനുഗ്രഹം ഏറ്റുവാങ്ങി മുന്നോട്ടു പോകും, സുഹൃത്തുക്കളെ കൊണ്ട് ഉപകാരങ്ങൾ.
രേവതി: കുടുംബ ജീവിതത്തിൽ സന്തോഷം കൂടും. തൊഴിൽ രംഗത്തെ മ്ലാനത മാറും. സാങ്കേതിക വിദ്യാഭ്യാസത്തിൽ മികവ് തെളിയിക്കും. എല്ലാ കാര്യങ്ങളിലും സന്തോഷകരമായ ദിവസം. പ്രസന്നതയോടെ കാര്യങ്ങളെ നേരിടും, വായനാശീലം വര്‍ദ്ധിക്കും, സ്ത്രീകള്‍ക്ക് നല്ല സമയം തുടങ്ങും.
