തമിഴകത്തെ പ്രിയപ്പെട്ട താരം ജയം രവി തന്റെ പേരില്‍ നിന്നും പുതിയ പേര് സ്വീകരിച്ച വിവരം അറിയിച്ചു. തന്റെ ഔദ്യോഗിക ഇന്‍സ്റ്റഗ്രാം പോസ്റ്റ് വഴി ഇക്കാര്യം അറിയിച്ചത്.
രവി മോഹന്‍ എന്ന തലക്കെട്ടില്‍ താരം ഒരു കുറിപ്പ് പങ്കുവെച്ചു കൊണ്ടാണ് ഈ കാര്യം അറിയിച്ചത്. പുതിയ പ്രതീക്ഷകളുമായാണ് പുതുവര്‍ഷത്തെ വരവേറ്റതെന്നും ഈ സമയത്ത് തന്റെ ജീവിതത്തിലെ പുതിയ അധ്യായത്തെക്കുറിച്ച് പറയാന്‍ ആ?ഗ്രഹിക്കുന്നുവെന്നും പറഞ്ഞാണ് പേര് മാറ്റത്തെക്കുറിച്ച് താരം പറഞ്ഞ്.
ഇന്ന് മുതല്‍ താന്‍ രവി മോഹന്‍ എന്ന് അറിയപ്പെടും എന്നും താരം പറഞ്ഞു. ഈ പേരില്‍ തന്നെ ഇനി മുതല്‍ അഭിസംബോധന ചെയ്യണമെന്ന് എല്ലാവരോടും അഭ്യര്‍ത്ഥിക്കുന്നുവെന്നും താരം പറഞ്ഞു. താരത്തിന്റെ തീരുമാനത്തില്‍ വലിയ നിരാശയിലാണ് ആരാധകര്‍.
‘ പ്രിയപ്പെട്ട ആരാധകര്‍ക്കും മാധ്യമങ്ങള്‍ക്കും കൂട്ടുകാര്‍ക്കും, പുതിയ പ്രതീക്ഷകളുമായാണ് നാം ന്യൂ ഇയറിനെ വരവേറ്റത്. ഈ സമയം ഞാന്‍ എന്റെ പുതിയ അധ്യായത്തെക്കുറിച്ച് പറയാന്‍ ആഗ്രഹിക്കുന്നു. ഇന്ന് മുതല്‍ ഞാന്‍ ജയം രവി / രവി മോഹന്‍ എന്ന പേരില്‍ അറിയപ്പെടും,
എന്റെ വ്യക്തിപരവും തൊഴില്‍പരവുമായ അഭിലാഷങ്ങളുമായി ആഴത്തില്‍ പ്രതിധ്വനിക്കുന്ന ഒരു പേര്. ഈ പുതിയ അധ്യായത്തിലേക്ക് ഞാന്‍ നീങ്ങുമ്പോള്‍, ഞാന്‍ എന്റെ സ്വത്വത്തെ എന്റെ കാഴ്ചപ്പാടുകളോടും മൂല്യങ്ങളോടും കൂടി യോജിപ്പിക്കുകയാണ്, ഇനി ജയം രവി എന്നല്ല, ഈ പേരില്‍ എന്നെ അഭിസംബോധന ചെയ്യാന്‍ എല്ലാവരോടും വിനീതമായി അപേക്ഷിക്കുന്നു. ഇത് എന്റെ വ്യക്തിപരമായ കുറിപ്പും വിനീതമായ അഭ്യര്‍ത്ഥനയുമാണ്, അദ്ദേഹം പറഞ്ഞു.
பழையன கழிதலும், புதியன புகுதலும் #HappyPongal #Ravi#RaviMohan#RaviMohanStudios#RaviMohanFansFoundation pic.twitter.com/K8JEWuMYW8
— Ravi Mohan (@iam_RaviMohan) January 13, 2025
