മധ്യപ്രദേശ്: വിവാഹ ചടങ്ങിനിടെ യുവതി കുഴഞ്ഞു വീണു. മധ്യപ്രദേശില്‍ നിന്നുള്ള യുവതിയാണ് കുഴഞ്ഞു വീണ് മരിച്ചത്.
മധ്യപ്രദേശിലെ വിധിഷ ജില്ലയിലാണ് ഞെട്ടിക്കുന്ന സംഭവം. ഒരു ബന്ധുവിന്റെ വിവാഹ ചടങ്ങില്‍ പങ്കെടുക്കാന്‍ എത്തിയ യുവതിയാണ് മരിച്ചത്. ബന്ധുവിന്റെ വിവാഹ ചടങ്ങില്‍ നൃത്തം ചെയ്യവേ ആണ് മരണം. യുവതി വേദിയില്‍ കുഴഞ്ഞു വീഴുകയായിരുന്നു.
യുവതി വേദിയില്‍ കുഴഞ്ഞ് വീഴുന്ന ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിക്കുന്നുണ്ട്. വിവാഹത്തിനായി ഇന്‍ഡോറില്‍ നിന്നെത്തിയ പരിണീത ജയില്‍ എന്ന യുവതിയാണ് മരിച്ചത്.
കഴിഞ്ഞ ദിവസമാണ് അടുത്ത ബന്ധുവിന്റെ കല്ല്യാണം കൂടാനായി യുവതി ഇന്‍ഡോറില്‍ നിന്ന് വിധിഷയിലെത്തിയത്. വിവാഹ തലേ ദിവസം നടന്ന പരിപാടിയില്‍ യുവതി നൃത്തം ചെയ്യാനായി വേദിയില്‍ കയറുകയായിരുന്നു. നൃത്തത്തിനിടയില്‍ ദേഹാസ്വസ്ഥ്യം അനുഭവപ്പെട്ട യുവതി സെക്കന്റുകള്‍ക്കിടിയില്‍ മുന്നിലേക്ക് വീഴുകയായിരുന്നു. പിന്നാലെ യുവതിയെ ഉടന്‍ ആശുപത്രിയിലെത്തിച്ചെങ്കിലും രക്ഷിക്കാനായില്ല.
യുവതി വേദിയില്‍ കയറി നൃത്തം ചെയ്തു. ഇതിനിടെയാണ് പെട്ടെന്ന് അസ്വസ്ഥത പ്രകടിപ്പിക്കുകയും സെക്കന്റുകള്‍ക്കുള്ളില്‍ മുഖം കുത്തി വീഴുകയും ചെയ്യുന്നത്. നൃത്തം നിരവധിപ്പേര്‍ മൊബൈല്‍ ക്യാമറകളില്‍ ചിത്രീകരിക്കുന്നുണ്ടായിരുന്നു.
ആശുപത്രിയില്‍ എത്തുന്നതിന് മുന്‍പ് തന്നെ യുവതി മരിച്ചിരുന്നു എന്നാണ് ഡോക്ടര്‍മാര്‍ പറയുന്നത്. ഹൃദയാഘാതമാകാം കാരണമെന്നാണ് പ്രാഥമിക നിഗമനം.
