അനധികൃത കസ്റ്റഡിയെന്ന് പരാതി,:യുവാവ് ആത്മഹത്യക്ക് ശ്രമിച്ചു

കാസർകോട്: കാസർകോട് പോലീസ് ആളുമാറി കസ്റ്റഡിയിലെടുത്ത യുവാവ് ആത്മഹത്യക്ക് ശ്രമിച്ചു.നെക്രാജെ സ്വദേശി മുസമ്മിൽ ആണ് ആത്മഹത്യക്ക് ശ്രമിച്ചത്.ഈ മാസം അഞ്ചിനാണ് കവർച്ചാ കേസിൽ മുസമ്മിലിനെ പോലീസ് കസ്റ്റഡിയിലെടുത്തത്.തുടർന്ന് മർദിച്ചെന്നും മുസമ്മിൽ പറഞ്ഞു.24-മണിക്കൂർ കഴിഞ്ഞിട്ടും കോടതിയിൽ ഹാജരാക്കിയില്ലെന്ന് പരാതി.പ്രതിയെന്ന് കാണിച്ച് മാധ്യമങ്ങളിൽ വാർത്ത നൽകിയെന്നും മുസമ്മിൽ പറഞ്ഞു. സംഭവത്തിൽ പോലീസിനെതിരെ മുഖ്യമന്ത്രിക്ക് പരാതി നൽകി.സംശയം തോന്നിയത് കൊണ്ടാണ് കസ്റ്റഡിയിലെടുത്തത് എന്നാണ് പോലീസിന്റെ വാദം.മാനഹാനി ഭയന്ന് രണ്ട് തവണയാണ് മുസമ്മിൽ ആത്മഹത്യക്ക് ശ്രമിച്ചത്.