തിരുവനന്തപുരം: റോഡിലെ ബൈക്ക് അഭ്യാസം തടയുന്നതിനായി സംസ്ഥാന വ്യാപകമായി മിന്നൽ റെയ്ഡ് നടത്തി. ഇന്ന് രാവിലെ 6 മണിമുതൽ പോലീസും മോട്ടർ വാഹനം വകുപ്പും സംയുക്തമായി പരിശോധന ചെയ്തു. പരിശോധനയിൽ നിയമലംഘനങ്ങൾ നടത്തിയ ബൈക്കുകൾ പിടിച്ചെടുത്തു. സോഷ്യൽ മീഡിയയിൽ ബൈക്ക് അഭ്യാസപ്രകടനങ്ങൾ കാഴ്ചവെക്കുന്ന റീലുകൾ പങ്കുവയ്ക്കുന്ന അക്കൗണ്ടുകൾ കേന്ദ്രീകരിച്ചായിരുന്നു പരിശോധന. ഇത്തരത്തിലുള്ളവരെ ട്രാക്ക് ചെയ്ത് വീട്ടിൽ കയറി ബൈക്ക് പിടിച്ചെടുത്തു.
