മതാടിസ്‌ഥാനത്തിൽ ഐഎഎസ് ഉദ്യോഗസ്‌ഥരുടെ വാട്സ് ആപ്പ് ഗ്രൂപ്പ് രൂപീകരിച്ച സംഭവം,: ഡിജിപി ചീഫ് സെക്രട്ടറിക്ക് റിപ്പോർട്ട്‌ കൈമാറി

തിരുവനന്തപുരം: മതാടിസ്‌ഥാനത്തിൽ ഐഎഎസ് ഉദ്യോഗസ്‌ഥരുടെ വാട്സ് ആപ്പ് ഗ്രൂപ്പ് രൂപീകരിച്ച സംഭവത്തിൽ ഡിജിപി ചീഫ് സെക്രട്ടറിക്ക് റിപ്പോർട്ട്‌ കൈമാറി. കെ ഗോപാലകൃഷ്ണന്റെ ഫോൺ ഹാക്ക് ചെയ്തിട്ടില്ലെന്നും റിപ്പോർട്ടിൽ പറയുന്നു. വിഷയവുമായി ബന്ധപ്പെട്ട് കെ ഗോപാലകൃഷ്ണനോട്‌ ചീഫ് സെക്രട്ടറി വിശദീകരണം തേടും. വിവാദമായ ​ഗ്രൂപ്പുകൾ ഡിലീറ്റ് ചെയ്തതിനാൽ ഹാക്കിങ് സ്ഥിരീകരിക്കാനാവില്ലെന്ന് മെറ്റ നേരത്തേ റിപ്പോർട്ട് വ്യക്തമാക്കിയിരുന്നു. ഫോൺ മറ്റിടങ്ങളിൽനിന്ന് നിയന്ത്രിക്കപ്പെട്ടിട്ടില്ലെന്ന് ഇന്റർനെറ്റ് സേവനദാതാവും മറുപടി നൽകിയതോടെ വാട്സാപ്പ് ഗ്രൂപ്പുണ്ടാക്കിയത് ഫോൺ ഹാക്ക് ചെയ്താണെന്ന ഗോപാലകൃഷ്ണന്റെ വാദം പൊളിഞ്ഞു.